الصيد بالقصبة في المغرب | طعوم الدوراد وأماكن الصيد وأوقات المد

 سمك أبلاغ أبلاغ، ولا "النبيرة" كيفما كيسميه بعض الناس، هو نفس عائلة الدرعي (القاروص) - بصح كاين فرق كبير: أبلاغ متواجد بكثرة أكثر من الدرعي. تلقاه فالبحر الأبيض المتوسط والمحيط الأطلسي، بصح كاين مناطق كيكون فيها مركز بزاف بزاف - وعلى راسهم جنوب المغرب، بالخصوص أقاليم بوجدور والداخلة، ومعروف زوج بتواجده فالشاطئ الأبيض. من ناحية الشكل، أبلاغ لونو فضي، وفيه نقط كحلة منتشرة على جسمو - هادشي كيميزو مباشرة عن الدرعي العادي. طولو كيقدر يوصل تا 65 سنتيم، بصح أغلب الأحجام اللي كنشدهم أنا شخصيا بين 20 و30 سنتيم. 🆚 الفرق بين أبلاغ والدرعي: غالطة كتر من صياد كيديرها كتر من الصيادين، حتى المحترفين منهم، كيخلطو بين أبلاغ والدرعي - والحقيقة أنهم من نفس الفصيلة، بصح كاين فروق واضحة إلا عرفتي فين تشوف: الدرعي: فيه نقط سوداء على الضهر، وهو أقوى بكثير من أبلاغ، أشرس فالصيد وقوي  مثل الدوراد رويال(زريقة)، ووزنو وطولو أكبر بكثير أبلاغ: فيه نقط كحلة (زرقاء غامقة)، أصغر حجما، لكن متواجد بكثرة أكثر فالمياه المغربية يعني إلا شديت سمك وشكيتي فيه، شوف لون النقط: سودة = درعي، كحلة = أبلاغ. حيلة بسيطة ...